Azərbaycan nümayəndə heyəti Rusiyanın İjevsk şəhərinə səfər edib

, 2023

Azərbaycan nümayəndə heyəti Rusiyanın İjevsk şəhərinə səfər edib

“Heydər Əliyev İli” çərçivəsində Azərbaycan nümayəndə heyətinin Rusiya Federasiyası Udmurtiya Respublikasının İjevsk şəhərinə səfəri baş tutub.

Diasporla İş üzrə Dövlət Komitəsi şöbə müdirinin müavini Əli Baytalov, Azərbaycan Milli Qeyri-Hökumət Təşkilatları Forumunun prezidenti Rauf Zeyni, Beynəlxalq Avrasiya Mətbuat Fondunun prezidenti Umud Mirzəyev və Azərbaycandakı rus icmasının sədr müavini, politoloq Anastasiya Lavrinanın daxil olduğu nümayəndə heyətinin səfəri ümummilli lider Heydər Əliyevin anadan olmasının 100 illiyi və “Dostluq” Azərbaycan İctimai Mərkəzinin yaradılmasının 25 illiyinə həsr olunmuş tədbirlərdə iştirak məqsədi daşıyıb.

Səfər çərçivəsində nümayəndə heyətinin Udmurtiya Respublikasının milli siyasət naziri Eduard Petrov, Rus Mədəniyyəti Cəmiyyətinin sədri Vitali Tülpin, Rusiya Xarici İşlər Nazirliyinin Nijni Novqoroddakı nümayəndəliyinin İjevsk bölməsinin rəhbəri Gülnarə Mannanova, Sosial Siyasət və Əmək Nazirliyinin Əmək Resurslarının İnkişafı, Miqrasiya və Məşğulluq Departamentinin rəis müavini Tatyana Rupasova ilə görüşləri keçirilib.

Görüşlər zamanı Udmurtiya rəsmiləri Zülfiqar Mirzəyevin rəhbərlik etdiyi “Dostluq” Azərbaycan İctimai Mərkəzinin milli mədəniyyətimizin və adət-ənənələrimizin təbliği istiqamətində fəaliyyətini yüksək qiymətləndiriblər.

Azərbaycan nümayəndə heyəti icmamızın ünvanına xoş sözlərə və millətlərarası münasibətlər sferasında görülən işlərə görə Udmurtiya Respublikası rəsmilərinə təşəkkürlərini bildirib. Azərbaycan Respublikası ilə Udmurtiya Respublikası arasında qarşılıqlı əlaqələrin daha da genişlənəcəyinə əminlik vurğulanıb.

Səfər çərçivəsində Xalqlar Dostluğu Evinin çoxşaxəli fəaliyyəti ilə tanışlıq olub, M.T.Kalaşnikov adına Muzey-Sərgi Kompleksi, Xalqlar Dostluğu bağının Azərbaycan sektoru, əfsanəvi polis sahə müvəkkili Tofiq Kərimovun İjevsk şəhərindəki xatirə lövhəsi və müsəlman məzarlığı ziyarət edilib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/azerbaycan-numayende-heyeti-rusiyanin-ijevsk-seherine-sefer-edib-3718

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

2023

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

Rusiya Federasiyası Udmurtiya Respublikasının İjevsk şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə və “Dostluq” Azərbaycan İctimai Mərkəzinin 25 illiyinə həsr olunmuş tədbirlər keçirilib.

“Dostluq” Azərbaycan İctimai Mərkəzinin təşkilatçılığı ilə Xalqlar Dostluğu Evində baş tutan dəyirmi masada Diasporla İş üzrə Dövlət Komitəsinin, Azərbaycan Milli Qeyri-Hökumət Təşkilatları Forumunun, Beynəlxalq Avrasiya Mətbuat Fondunun, Azərbaycandakı rus icmasının, Rusiya Federasiyası Dövlət Dumasının, Rusiyanın müxtəlif respublika və vilayətlərində fəaliyyət göstərən Azərbaycan icmalarının və Udmurtiyadakı milli-mədəni muxtariyyətlərin nümayəndələri iştirak ediblər.

Dəyirmi masa Heydər Əliyevin müasir Azərbaycan dövlətinin təşəkkülü və inkişafı prosesində Heydər Əliyevin misilsiz töhfələrini əks etdirən “Azərbaycan geniş addımlarla irəliləyir” adlı sənədli filmin nümayişi ilə başlayıb. Tədbirdə çıxış edənlər dünyanın görkəmli və nüfuzlu dövlət xadimlərindən biri olan Heydər Əliyevlə bağlı xatirələrini bölüşüb, onun müstəqil Azərbaycan dövlətinin möhkəmləndirilməsində və Azərbaycan Respublikası ilə Rusiya Federasiyası arasında münasibətlərin dərinləşməsində müstəsna rolundan danışıblar.

Oktyabrın 21-də isə Xalqlar Dostluğu Evində “Dostluq” Azərbaycan İctimai Mərkəzinin yaradılmasının 25 illiyi münasibətilə təntənəli tədbir keçirilib. Tədbirdə Diasporla İş üzrə Dövlət Komitəsi şöbə müdirinin müavini Əli Baytalov, Azərbaycan Milli Qeyri-Hökumət Təşkilatları Forumunun prezidenti Rauf Zeyni, Beynəlxalq Avrasiya Mətbuat Fondunun prezidenti Umud Mirzəyev, Azərbaycandakı rus icmasının sədr müavini, politoloq Anastasiya Lavrina, Rusiya Dövlət Dumasının deputatı Oleq Qarin, Udmurtiya Respublikasının milli siyasət naziri Eduard Petrov, dövlət və bələdiyyə orqanlarının təmsilçiləri, Moskva, Kirov, Samara, Orenburq vilayətləri, Perm diyarı, Naberejnı Çelnı şəhəri üzrə Azərbaycan diasporunun, Udmurtiyadakı 15 milli-mədəni muxtariyyətin nümayəndələri və fəxri qonaqlar iştirak ediblər.

Tədbir iştirakçılarını “Dostluq” Azərbaycan İctimai Mərkəzinin sədri Zülfüqar Rəhimov salamlayıb. Tədbirdə çıxış edənlər Azərbaycan icmasını bu əlamətdar hadisə münasibətilə təbrik edib və xoş arzularını bildiriblər.

Aktiv ictimai fəaliyyətə və millətlərarası münasibətlərin möhkəmlənməsinə mühüm töhfələrə görə “Dostluq” Azərbaycan İctimai Mərkəzinin sədri Zülfüqar Rəhimova təltif olunduğu Azərbaycan Respublikasının “Diaspor fəaliyyətində xidmətə görə” medalı, mərkəzin fəal üzvlərinə Diasporla İş üzrə Dövlət Komitəsi və yerli administrasiya adından fəxri fərmanlar və təşəkkürnamələr təqdim olunub.

Tədbirin bədii hissəsində Samara şəhərinin “Alpan” ansamblının, “Buranovskie babuşki” folklor qrupunun, digər yaradıcılıq kollektivləri və incəsənət ustalarının konsert proqramı təqdim olunub.

Tədbir çərçivəsində mərkəzin 25 illik fəaliyyətini əks etdirən foto-videomaterial nümayiş etdirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ijevsk-seherinde-heyder-eliyevin-100-illiyi-ve-dostluq-merkezinin-25-illiyi-qeyd-olunub-3723

İjevsk şəhəri – Evlad-ı Fatihan

Azərbaycan nümayəndə heyəti Rusiyanın İjevsk şəhərinə səfər edib

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub